Giryânî
Zikr-i hâmûş-ı mutî-i emr-i Yezdandır sükût Ben derim çesbîde-i eshâb-ı îz'andır sükût Zabt-ı efvahtır medâr-ı tefrih-i sadr-ı marız Berkarâr-ı zevk-i feyz-i ayş-ı insandır sükût İmtidâd-ı bahs iken mesmûm-ı akdâh-ı kemâl Zâilin küfrânına nisbetle îmandır sükût Hakk u bâtıl nüble-i Yezdan ile mâruf olur Kim demez îcâb-ı hâl-i akl ü irfandır sükût Bî-akıllar pîşe-i deff-i semâ etse n'ola Perver-i îmân ü zehr-i t'ân-ı nâdandır sükût Olmaz ehl-i dâniş ü fıtnatta tarz-ı iftihar Fırka-i memdûha-i bî-kibre şâyandır sükût Hep sükûnettir sebeb bir fitnenin mânîsine Hüsn-i takvâ-ı velî-i zühde nîşandır sükût Hâsıl-ı dâr ü gir-i âzam eziyettir asıl Hasma ser-rişte-i istihyâ-ı âsandır sükût Söyle Giryân nükte-perdâz-ı kemâl olmak ne ki Ehl-i mazmun içre pinhan kavl-i âyandır sükût *Hersekli Arif Bey’e naziredir.
0 yorum